სმარტფონები ჩვენი ცხოვრების განუყოფელი ნაწილი გახდა . ნებისმიერი ტექნიკის მართვა უკვე შორი დისტანციიდანაც კი არის შესაძლებელი. რჩევების ამ ბლოგში ჩვენ მოგიყვებით კონდიციონერის Wi-Fi მოდემებზე, რომლებიც უზრუნველყოფენ ამ მოწყობილობების დისტანციურ მართვას.

კონდიციონერის Wi-Fi მოდემით მართვას გააჩნია მრავალი უპირატესობა, ჩამოგითვლით ძირითად მახასიათებლებს:

კონდიციონერის Wi-Fi მოდემის უპირატესობები

კონდიციონერის დისტანციურად მართვა შესაძლებელია მსოფლიოს ნებისმიერი ადგილიდან, სადაც არის ინტერნეტი.
Wi-Fi Smart ფუნქციის არსებობა, რომელიც საშუალებას გაძლევთ დააპროგრამოთ კონდიციონერი სასურველ ტემპერატურულ რეჟიმზე ერთი დღის ან სულაც მთელი რამდენიმე კვირის განმავლობაში.
კონდიციონერის მწყობრიდან გამოსვლის ან ავარიული სიტუაციების შემთხვევაში, Wi-Fi მოდემები დაუყოვნებლივ გაჩვენებთ ავარიის მიზეზს ან შეცდომის კოდს.
სხვადასხვა ოთახში ან თუნდაც ცალკეულ ობიექტებზე განლაგებული კონდიციონერების ჯგუფის კონტროლი.

კონდიციონერის ფუნქციები, რომლებიც კონტროლდება Wi-Fi მოდემით:

მოწყობილობის ჩართვა და გამორთვა;
გათბობის/გაგრილების რეჟიმების გადართვა;
გაგრილების/გათბობის ტემპერატურის დაყენება და რეგულირება;
ვენტილატორის სიჩქარის შეცვლა;
ჟალუზის კუთხის შერჩევა;
მითითებული ტემპერატურის შენარჩუნება.

დისტანციური მართვისთვის საჭიროა:

კონდიციონერის Wi-Fi მოდემი;
სმარტფონი დაინსტალირებული აპლიკაციით;
Wi-Fi როუტერი ინტერნეტით.

Wi-Fi მოდემის და აპლიკაციის საშუალებით კონდიციონერის მართვა გაცილებით მოსახერხებელი და მარტივია. სახლში კი სასურველი ტემპერატურის რეგულირება მსოფლიოს ნებისმიერი წერტილიდანაა შესაძლებელი.